Hjelp oss å hjelpe Andreas tilbake til livet ❤️
Denne innsamlingsaksjonen er starta av Støttegruppa "Hjelp Andreas tilbake til livet" for å samle inn pengar til advokathjelp for vår kjære Andreas.
Det har kome en del henvendelsar om å kunne sette penger direkte inn på ein konto, då ikkje alle har tilgong til Vipps. Her er kontonummeret til spleisen:
Advokaten skal hjelpe oss med:
- å få han ut av den private institusjonen der han er i dag,
- å få verdig og trygg hjelp til nedtrapping av medisin,
- å få kyndig hjelp til å handtere dei traumatiske minna han ber på.
Andreas er i dag 26 år. Han skulle ha vore på full fart inn i vaksenlivet, men er i staden heilt invalidisert grunna alt for mange år med tung medisinering. Vi er no vitne til ein ung mann som blir dårlegare og dårlegare for kvar dag, og vi ser at det hastar med å få hjelp.
På grunn av mangelfullt tilbod i heimkommunen er Andreas no overført til ein privat aktør i eit fylke langt heimanfrå for ei såkalla “kartlegging”. Her bur han mot sin eigen vilje under svært kritikkverdige forhold. Han opplever manglande omsorg, han er redd og uroleg og blir sjukare for kvar dag. Han har ikkje faglært personale rundt seg i det daglege, og han er i praksis fråteken retten og muligheita til å bestemme over sitt eige liv.
Andreas var ein gong ein frisk og sprek gut, full av humor, idrettsglede, rausheit, omsorg og klokskap. Han klarte seg fint, både sosialt og på skulen. Då fleire traumatiske opplevingar i barne- og ungdomsåra gjorde at livet vart vanskeleg, søkte familien hjelp i psykiatrien.
Dessverre har Andreas aldri fått behandlinga han treng for å bli frisk. I staden har symptoma i all hovudsak vore forsøkt dempa med medisinar. Frå han var 16 år har Andreas vore utsett for ei evigvarande prøving og feiling med mange ulike medikament og tallause innleggingar, utan andre resultat enn alvorlege biverknader og endå fleire traume.
Dette er ei stor og krevjande sak, og advokathjelp er kostbart, og det er i dag vanskeleg å vite kva den totale summen vil kome på.
Pengane frå Spleisen vil bli overførte til mor Heidi, medan dei øvrige gruppeadministratorane vil ha fullt innsyn i bruken av dei innsamla midlane. Eit eventuelt overskytande beløp vil gå til Andreas sin sparekonto for framtida.
Vi håpar du vil gi eit bidrag til innsamlinga og vere med å gjere ein forskjel for Andreas.
Hjarteleg helsing støttegruppa.
Du finn Facebook-sida vår her.