Utviding av sandvolleyballanlegg på Årneset
KFUM Volda Volleyball skal utvide sandvolleyball-anlegget vi har på Årneset med to baner tilpassa born under 13 år.
Utvidinga er planlagt hausten 2019/våren 2020.
Utvidinga vert spesielt tilrettelagt born under 13 år, og vil gi meir tid til alle som brukar anlegget utom treningstida til klubben, for eksempel skular, FFO, barnehagar osv. Med to baner som er mindre enn ei vanleg bane vert det lettare for born å spele sandvolleyball.
Vi vil også bygge ei lita tribune opp mot parkeringsplassen. Denne vil også fungere som beskyttelse mot ballar for bilane som er parkerte.
Anlegget er mykje brukt av alle innbyggarane i Volda, og vi håpar utvidinga vil gi endå meir bruk!