Alexanders arv ❤️
Alexander var ein fantastisk pappa og fosterfar. Han elska borna sine, og hadde alltid tid til dei. Heidi og Alexander hadde eit sterkt felleskap. Dei jobba saman om å gje kvart av borna sine gode dagar. Då Heidi og Alexander gifta seg, drøymde dei om eit langt liv saman. Dei hadde draumar og planar, akkurat som meg og deg, om å sjå borna vekse opp saman.
Alexander kjempa tappert mot Covid-19 i 8 veker på sjukehuset. Familien har levd i ein ekstrem situasjon i lang tid. Den niande mai måtte dei sei adjø til sin kjære mann og pappa.
Kan du sjå for deg deg korleis det er å mista mannen i ditt liv til covid 19? Berre 41 år gamal? Tragedien har ramma familien hardt og Heidi skjønar ikkje korleis ho skal greie seg utan Alexander. Ei inntekt mindre vil ha stor innverknad på ein stor familie, og Alexanders verdi var større for dei alle saman.
Familien har alltid vore lett å få auga på. Når dei tre gutane i rullestol kjem susande i front, med ein hale av fleire born enn foreldra har sjølv. Me andre kjem gjerne ut av teljinga på borna. Hjarterommet var uendeleg hjå dei to.
Heidi har sete i styret i Foreningen for muskelsjuke i fleire år. Gjennom dette arbeidet har ho hjelpt born og vaksne. No er det ho og ungane som treng vår hjelp og støtte.
No som verda til familien er snudd på hovudet, kan ditt bidrag utgjera ein stor skilnad. Du kan bidra med å lette kvardagen til familien.
Din styrke, medkjensle og støtte kan føra vidare Alexanders arv.
På vegne av vener og omgangskretsen.