HJELP OSS Å GJE EI JULEGÅVE TIL NOKON SOM VERKELEG TRENG DET!

Vi veit at pengane kjem fram til dei som treng det, for vi kjenner May Britt Tynes som driv arbeidet!  I nesten 20 år har ho, saman med familie og vener, drive frivillig arbeid for å hjelpe dei aller fattigaste i byen Bogo på øya Cebu.

Her er ein liten 3-minuttersvideo som viser kva pengane går til:

Velledalen Montessoriskule har ved fleire høve hatt besøk av May Britt og dottera Lone.  Dei har vist film og bilete og fortalt om korleis det er for barn å veske opp i fattige kår i den vesle byen Bogo på Filippinene.  Etter den store tyfonkatastrofen i 2013 vart mange huslause.  May Britt fekk delt ut bygningsmaterialer til over 250 familier og i tillegg fekk dei laga eit heilt lite byggefelt med 31 solide hus i murstein.  Dei kalla byggefeltet Little Norway og alle husa i desse to gatene har fått namn etter skular og barnehagar i Noreg.  Her er huset vårt:

Sidan det er ein pågåande pandemi med restriksjonar på samlingar og aktivitetar, har vi i år laga ein SPLEIS.

VELLEDALEN MONTESSORISKULE OPPMODAR ALLE ELEVAR OG ALLE DEI DER HEIME OM Å NYTTE ADVENTSTIDA TIL Å GJERE NOKO GODT FOR DEI FATTIGE I BOGO:  BLI MED Å GJE EI JULEGÅVE TIL BARNA PÅ LOLA DAY CARE CENTER og MAT TIL ALLE FAMILIANE I LITTLE NORWAY!

Elevane kan arbeide heime, springe rundar rundt huset for pengar, eller på annan måte vere kreative i adventstida slik at det kjem inn pengar på innsamlinga vår!

Om det kjem inn meir enn May Britt treng til å gje gåver og mat til jul, skal pengane vi samlar inn gå til drift av førskulen!

DEN STØRSTE GLEDA EIN KAN HA - DET ER Å GJERE ANDRE GLA´!

God Jul frå oss i leiinga ved Velledalen Montessoriskule :heart:️

SYKKYLVINGAR BESØKTE BOGO I FEBRUAR: May Britt og dottera Lone hadde med seg mange gjester frå Noreg då dei var på Cebu i februar og mars.  Mellom anna var Olav Håkon og Greta Herje med som representantar for Sykkkylven Rotary Club, Einar Ellingsen, son av Olaf og klassekammerat til Lone, var òg med.  Les om denne reisa her:https://www.dropbox.com/s/8ucjze8flfcwafl/Infobrev%2025.pdf?dl=0