No er det igjen klart for årets skulejogg på Storebø skule. Gjennomføringa vert onsdag 19. oktober kl. 10.00-11.30, og alle elevar frå 1.-7. trinn deltek. Innsamlinga vil vere open til 5. november, og pengane me samlar inn, går til Leger uten grenser. Me håper du vil hjelpe oss å hjelpe!

Akkurat no ventar millionar av menneske på å bli behandla av ein lege. For mange står det om livet, men tilgang til helsehjelp er ingen sjølvfølge. Med årets TV-aksjon skal vi bidra til å førebyggje epidemiar og behandla kjente og ukjente sjukdomar i fire land: Bangladesh, Den sentralafrikanske republikk, Den demokratiske republikken Kongo og Sierra Leone. Me skal gje vaksinar, tilgang på livreddande medisinar og legebehandling. Saman redddar vi liv!