Kven er vi?

Kleppe Musikklag er eit høgt rangert korps som held til på Askøy utanfor Bergen. Korpset består av unge og dyktige musikantar. Slagordet til korpset er: Vi kan, vil og tør! Korpset sin visjon er å maksimere det musikalske potensialet samstundes som det skal vere eit sosialt samlingspunkt for unge, lokale talent og tilflytta studentar.  

Kva vil vi?
24.- 27. mai 2018 reiser Kleppe Musikklag for første gang til England for å delta på den tradisjonsrike konkurransen Whit Friday. Å forflytte eit heilt korps med tilhøyrande instrument tur/ retur over Nordsjøen er veldig kostbart. Store delar av kapitalen blir betalt av medlemmane sjølv, resten blir betalt av oppsparte dugnadsmidler som i utgangspunktet er satt av til dagleg drift. Det å drive eit korps på nasjonalt toppnivå er kostbart. I tillegg til at kvar medlem brukar fleire timar i veka på øving, er drifta også avhengig av at alle bidrar med dugnadsarbeid heile året rundt.

Korpset ynskjer å redusere kostnadane for denne reisa så mykje det kan late seg gjere. Vi i Kleppe Musikklag set difor stor pris på all hjelp vi kan få, og håper at netopp du kan tenke deg å hjelpe oss på vegen mot England.

Kva får du?

Dersom du vil følge oss på reisa er vi svært aktive på sosiale medier. Du finn oss på fylgjande kanalar:
Facebook som "Kleppe Musikklag"
Instagram som "kleppemusikklag"
Twitter som "@Kleppemusikklag"

På heimesida vår kan du lese meir om korpset: www.kleppemusikklag.net

Alle som støttar oss vil også få ei personleg takkehelsing.