Vil du vere med å spleise?

Trimgruppa har inngått samarbeid med Brattvåg barneskule og Brattvåg barnehage for  å gjere Åsen, mellom vasstårnet og Fjellbu, til eit attraktivt og spennandes tur- og aktivitetsområde for barn, familiar og personar som vil drive lågterskelaktivitet i naturen. 

I tillegg til å oppgradere råsa, vil vi dekorere området med troll, figurar og aktivitesskapande apparat som balansestokkar, taubaner, bjelkebru og anna. 

Det har alt kome opp ein gapahuk, og ein grill-/bålplass i tilknyting til denne er under planlegging. Det er også bygd fleire bruer for å gjere området tørrare og finare å gå i.

Gir du eit bidrag i spleiselaget vårt hjelper du oss å utvikle Brattvåg sitt bygdefjell til å bli ein stad der bygdefolket kan møtast, gå på jakt etter rare ting, eller kan utfalde seg med aktivitet i naturskjønne omgivnadar.  

Pengane som kjem inn vil gå til å utvikle området.