Folkemusikken har alltid vore ein stor del av livet mitt. Eg byrja tidleg med felespel i kulturskulen og lærte meg slåttar frå mange delar av Vestlandet, men eg visste lite om den rike folkemusikktradisjonen i Hyllestad– heilt til eg begynte å studere folkemusikk ved Universitetet i Sørøst-Noreg på Rauland. Det var der eg for første gang blei kjend med Kristoffer Teige og hans rolle i å bevare folkemusikken herifrå.

I bacheloroppgåva mi fekk eg moglegheit til å fordjupe meg i Kristoffer Teige sin spelestil. Eg skreiv også om kven han var, kven han lærte av, og om den musikktradisjonen han var ein del av. Slåttane hans skilte seg ut både i form og spelestil, og eg fekk ei djupare forståing for tradisjonen frå Hyllestad og Ytre Sogn. Dette heftet vil vere med på å synleggjere denne tradisjonen.

Dersom du ynskjer å støtte prosjektet mitt kostar kvart hefte 200 kr + 56 kr frakt. Skriv då namn og adresse inne i spleisen. Alle bidrag, uansett storleik, er med på å hjelpe meg å ferdigstille prosjektet.

Pengane eg får på spleis går uavkorta til trykking av hefta, då eg allereie har fått støtte til innspelinga. Det er enkeltpersonsføretaket mitt som mottek pengane.

Tusen takk for at du ynskjer å støtte prosjektet mitt!