Summer Games har sidan starten sommaren 2020 vore ein gratis møteplass for spelglede, samhald og aktivitet for born og ungdommar i Volda og Ørsta. I 2024 hadde vi over 1500 besøk gjennom sommaren – alt frå ungdommar til familiar som fann ein inkluderande og trygg stad å vere. No gjer vi det igjen, for sjette gong!

Kvart år har vi gitt ungdom i alderen 16–18 år sommarjobb som gamingvertar. Desse ungdommane skapar tryggleik, trivsel og aktivitet for dei som kjem – og dei har alltid fått lønn for innsatsen. I år ønskjer vi å utvide tilbodet halde ope kvar vekedag, og nokre laurdagar i heile juli og starten av august. Det er meir enn før, og det betyr at vi treng fleire ungdommar på jobb – og dermed meir midlar for å kunne gjennomføre.

Som frivillig organisasjon har vi ikkje store budsjett, men vi har eit stort hjarte for barn og unge i lokalsamfunnet. Difor ber vi no deg om hjelp til å samle inn pengar til lønsmidlar, slik at vi kan halde oppe – og styrke – eit tilbod som betyr mykje for mange.

Støtt spleisen – saman gir vi ungdom arbeidserfaring og skapar minner for livet for alle!