Hjelp Sawab og Hameed vidare – støtte til anke til Høgsterett

Sawab og Hameed har tapt i lagmannsretten, fått over 200.000 kroner i sakskostnader og ønskjer no å anka saka til Høgsterett. Denne spleisen skal bidra til juridisk bistand og vidare oppfølging av saka

Etter fleire år med kamp for å få saka si prøvd, har Sawab og Hameed no tapt i lagmannsretten.

Dommen betyr at dei mistar opphaldsløyvet sitt i Noreg. I tillegg er dei dømde til å betala over 200.000 kroner i sakskostnader.

Etter siger i tingretten, kom som eit svært tungt slag.

Sawab og Hameed kom til Noreg som mindreårige og har brukt ungdoms- og vaksenåra sine på å byggja liv her. Dei har gått på skule, lært språk, skapt vennskap og blitt ein del av lokalsamfunnet.

Sawab har tatt fagbrev som tømrar og er i arbeid. Hameed går på skule og arbeider mot ei framtid i Noreg.

Desse to unge gutane har fått livet sitt snudd opp ned, dei treng sårt din støtte!

Saman med advokaten har dei bestemt seg for å anka til Høgsterett. Ei slik vidareføring krev juridisk bistand og medfører store kostnader – samstundes som dei allereie står overfor sakskostnader frå tidlegare rettsrundar.

Denne spleisen er oppretta for å hjelpa med:

• juridisk bistand knytt til anke til Høgsterett

• kostnader ved vidare rettsleg behandling

• sakskostnader frå tidlegare rettsinstansar

• nødvendig oppfølging gjennom prosessen vidare

Vi veit at Høgsterett sjølv avgjer om saka blir teken inn til behandling. Men vi meiner Sawab og Hameed fortener moglegheita til å få saka si vurdert heilt til siste rettslege instans.

Dei siste åra har mange stått saman med dei. No treng dei støtta meir enn nokon gong.

Kvar støtte – stor eller liten – betyr mykje. Om du ikkje har moglegheit til å bidra økonomisk, set vi stor pris på at du deler spleisen vidare.

Takk for at de bryr dykk.