🧡 Kjære alle saman! 🧡

Her kjem ei siste oppdatering før denne spleisen vert avslutta. 

Tida etter at Andreas kome heim frå Ecura Bo og Habilitering i Innlandet har vore fin og tung på same tid. Det er godt at Andreas no er heime, men det er tungt å sjå korleis opphaldet, som Ulstein kommune har vore ansvarlege for, har sett sine djupe spor hos Andreas. 

Mor Heidi har sendt inn klager til statsforvaltarane i både Møre og Romsdal og Innlandet. I Innlandet har det kome inn klager frå fleire brukarar på Ecura, og det er no starta ei breiare tilsynssak mot Ecura. Det er også starta tilsynssak i Møre og Romsdal mot psykiatrien i Ålesund og Ulstein kommune.

Dersom det er fleire som har dårleg erfaring med Ecura, vil mor Heidi setje stor pris på ei privat melding om dette. Ho har allereie vore i kontakt med eit par personar som har svært dårlege erfaringar med institusjonen. Kjenner du til fleire historier, er det berre å ta kontakt. 

Det er svært krevjande dagar i heimen, og vi tek små steg mot ei betre tid kvar einaste dag. 

Advokaten jobbar inn mot fleire instansar, og vi vil takke for det livsviktige bidraget du har gitt til spleisen. Ditt bidrag har gjort det mulig å kome dit vi er i dag. 

Samtidig veit vi at det vil ta lang tid og mykje arbeid og ressursar å lege alle traumene Andreas no er påført.

No har vi berre nokre få dagar att av spleisen, så om du vil støtte spleisen ein siste gong, vil vi setje stor pris på dette. Del også gjerne innlegget vidare. 

Igjen: Tusen takk for hjelpa!

Venleg helsing støttegruppa!

Med god hjelp frå støttegruppa og advokat har Andreas no flytta heim til Sande kommune. 

Det vil seie at han ikkje lenger er busett i Ulstein, som var den kommunen som plasserte han på institusjonen han har budd på den siste tida.  

Andreas er glad for å vere heime, men han er også sterkt prega av det han har vore igjennom, og det vil ta tid å bearbeide desse traumatiske opplevingane. Vi har framleis ein lang veg å gå for å sikre Andreas sine rettar, og hjelpe han tilbake til eit verdig liv. 

Han bur no hos mor, og støttegruppa jobbar no saman med Andreas, mor og advokat for å etablere eit godt og trygt nettverk for Andreas i tida framover.

Dette vil seie at vi, takka vere spleisen, har nådd det første målet vårt. 

Advokaten jobbar no vidare med neste steg. Vi håpar at du hjelper oss å dele Spleisen vidare.

Venleg helsing støttegruppa.

Advokaten er godt i gang med arbeidet, og vi ser at vi no vi treng meir pengar for å hjelpe Andreas. 

Dette kan du gjere for å hjelpe:

• Om du har muligheit: Gi eit ekstra bidrag til spleisen i dag
• Del denne oppdateringa på Facebook
• Oppmod andre om å dele vidare

Tusen takk for all hjelp og støtte! 

Venleg helsing støttegruppa.

Advokat: Vi har i dag inngått avtale med eit advokatfirma, som skal byrje å jobbe med saka til Andreas. Di støtte har vore heilt avgjerande for at vi no har kome i gang for alvor. 

Tusen takk for bidraget ditt!

Media: Historia til Andreas har vore delt i fleire lokalaviser, og vi ser at dette har hatt god effekt på Spleisen. Vi er framleis langt frå målet, så vi håpar å nå ut til fleire aviser og kanalar. 

(Tips gjerne andre redaksjonar, om du har muligheit til dette.)

Erfaringsdeling: Det er mange pårørande som har kontakta mor Heidi etter avisoppslaga. Dei fleste vil først og fremst takke for openheita, og for at vi frontar kampen mot mobbing og eit helsevesen der det er vanskeleg for pårørande å nå fram. 

Svært mange står eller har stått i liknande situasjonar i fleire år, og dei fleste opplever å slite seg ut på å kjempe for sine næraste. Behovet for å prate og dele erfaringar er stort, og det er godt å føle at ein kan vere til hjelp.

Vi har no utvida tidsramma for spleisen i ein ekstra månad, og vi håpar å nå målet vårt i løpet av dei neste vekene. 

Helsing støttegruppa. 

Støttegruppa består i dag av:

Heidi Muren

Henrik Andersen Muren

Monika Haanes Waagan

Børre Haanes Waagan

Gro Brandal

Arnljot Muren

I tillegg har vi 3 medlemmer som av ulike grunnar ikkje kan stå fram med namn.

13. mai var saka til Andreas hovudoppslag i Vestlandsnytt, som er lokalavisa for Herøy og Sande. Saka ligg også ute digitalt. Oppslaget førte til stor aktivitet på spleisen vår og mange varme helsingar til Andreas og familien. I løpet av helga har vi nådd 150 000 kroner og 30 % av målet vårt. Vi vil framleis oppmode alle som vil og kan, til å dele spleisen vidare. 

Tusen takk for all støtte! 

Helsing støttegruppa.

Har du lyst til å sende Andreas ei helsing på bursdagen hans? 

Du kan gjerne skrive nokre ord inne på Facebook-sida til støttegruppa: 

https://www.facebook.com/groups/hjelpandreas

Mor Heidi skal vere saman med han på sjølve dagen, og ho gler seg til å vise han kor mange som støttar spleisen. Ho vil også formidle alle helsingane han har fått, både på spleisen og inne i gruppa. 

Dette er små ting som betyr svært mykje for Andreas, i den situasjonen han er i no. 

Igjen tusen takk for hjelpa!

Helsing støttegruppa.

Spleisen vår er i gang! 

På under eitt døgn nådde vi faktisk 10 % av målet vi har sett oss for innsamlinga. Det lovar godt, og det er heilt fantastisk å sjå at så mange har støtta innsamlinga for Andreas – både med økonomiske bidrag, varme, heiarop og deling. 

I ein samtale med Andreas i går uttrykker han glede og håp over at så mange vil hjelpe. Mor Heidi er også uendeleg glad for dette, og ho vil gjerne takke alle som engasjerer seg. 

Her kan du lese litt av historia til Andreas. Historia blei delt vidare av bloggaren Ida Amalie Unhjem for litt over eitt år sidan.

Om du ikkje alt har delt innsamlinga, set vi stor pris på om du deler spleisen vidare.

Hjarteleg helsing støttegruppa!