Då er spleisen avslutta. Tusen takk til alle som har gjeve pengar til støtte for Fresvik EnSpire skule! Takk til dykk som har delt og som har utfordra andre og som på andre måtar har hjelpt til at vi klarde å samla 79000 kr til skulen vår. Pengar er også kome inn på andre måtar, så det ser no ljost ut for at skulen klarer den kneiken dei har i år og neste år. Fresvik Bygdalag sender pengane uankorta til Fresvik EnSpire skule så snart vi får pengane overført i frå Spleis. 

Venleg helsing og takk

Fresvik Bygdalag

To og eit halvt døgn etter at vi la ut spleisen har vi passert 90 % av summen vi sette som mål for innsamlinga. Vi er overvelda over oppslutning og engasjement - og takkar alle som har gitt pengar og slik støtta vidare liv for skulen vår!! Det styrkar motet at det er så mange som bryr seg og vil bygda og skulen vel. Sidan det er gått så kort tid og det attpåtil har vore helg, så trur vi gjerne at det kan vera endå fleire som gjerne vil bidra i spleisen. Difor tek vi like godt spranget heilt opp til kr 100.000 som mål for spleisen. Med ynskje om ein god sommar vidare til alle støttespelarar. 

Beste helsing Fresvik Bygdalag

Tusen takk til alle som raust har gitt pengar til støtte for Fresvik EnSpire skule! Berre eitt døgn etter at vi starta spleisen er det kome inn 30.000 kr - 60% av det vi sette som mål! Det varmar veldig at skulen og Fresvikbygda har så mange vener der ute. Held dette fram på same vis vil vi justere målet for innsamlinga, sidan det enda er eit stykkje att før skulen har fått nok støtte.