Invitasjon til å finansiere oppgradering av Gapahuken på Einhovden.

Brukarutvalet for Ramergs- og Reppadalsvegen har fått lov av grunneigar å setta gapahuken på Einhovden i stand, slik at folk kan bruka den. Vi gjer merksam på at det  ikkje gjev rett til område som sådan. Einhovden er grunneigar sitt beite og det skal det væra. Dersom det går dyr der, går folk inn på eigen risiko og grunneigar har ikkje ansvar for folk som går inn.

Vi treng materiel for å forlenga taket bak gapahuken slik at geitene fin ly for veret der. Taket må tettast og ein dragar i framkant må forsterkast. Der må settast opp gjerde med port framom gapahuken, slik at ikkje geitene kjem seg inn. 

Grunneigar vil stilla med høgtrykkspylar, agregat og transport av materiell. Han vil og ta seg av taktekking.

Kostnad til materiell er rekna til ca 12 000kr.

Dugnadsgjengen står klar til å starte opp så snart finansieringa er i orden.