Hei alle som støtter dette viktige prosjektet! :) 

Endå fleire har no vist si interesse for å ruste opp aktivitetsparken, og det er ei glede å meddele at vi har fått to nye og større bidrag. 

INKLUDERINGSUTVALET har bevilga 15.000,– til prosjektet, og dei heier på oss! 

Dei skriv : "Vi gir 15.000 i gåve til opprustning av aktivitetsparken, ein kjempeviktig plass spesielt for dei som ikkje finner seg til rette i dei organiserte fritidsaktivitetene." 

Dette varmer og vil garantert gje fortgang i prosjektet. Tusen tusen takk. :) 

SPAREBANKEN SOGN OG FJORDANE har bevilga 20.000,– noko som vi er ekstremt takknemlige for. 

Dei skriv : "Som sagt er det flott at de tek tak i denne delen av området rundt stadion og Arena Stryn. Eit godt lavterskeltilbod for mange. Både dei som elles er involvert i idretten, men spesielt for dei som er utanfor organisert idrett i dag. Vi i Sparebanken Sogn og Fjordane ønskjer gjerne å vere med å støtte prosjektet, ref vedlagt gåvebrev. Håpar dette kan vere eit godt bidrag for å kome i mål med planane med å få ein trygg, god og oppdatert møteplass for barn og unge i bygda." 

Det er heilt fantastisk at fleire ser verdien av det vi held på med. Tusen tusen takk for dette viktige bidraget! 

Vi har også sett ned ei prosjektgruppe som skal jobbe med opprustinga, med Monica B Hesjedal i spissen. Vi gler oss til å sjå kva dei kan få til med midlane. :) 

På vegne av Stryn Turn og Idrettslag, og med ønskje om ei god helg

vennleg helsing

Jenny Staalnacke, leiar i Stryn turn og Idrettslag

Først og fremst : TUSEN TAKK for ditt bidrag. Det varmar at så mange ser det same behovet, og tek det på alvor. 

Og : hurra! Sparebanken Vest har plukka opp initiativet vårt, og gitt oss 35.000,– til å ruste opp aktivitetsparken. 

Dette er vi djupt takksame for, og vil vere pengar som kjem godt med når vi skal setje i gong for fullt. 

Spleisen kjem likevel til å fortsette, då vi ser at denne parken berre blir betre jo meir midlar vi har. 

Vi driv no med research rundt sjølve løysingane, og set stor pris på lokale heltar som enten kan stille seg disponible med materiale eller fysisk arbeid. Gode rabattar, dugnadsånd og gode tips kan sendast til Jenny Staalnacke på elsjensta@gmail.com. 

Ønskjer deg ein god søndag. Igjen : tusen takk! 

På vegne av Stryn Turn og Idrettslag 

Vennleg helsing 

Jenny Staalnacke