Vil du vere med å bidra til ei ny Fjellhytte?

Den gamle fjellhytta på fjellet mot Solrenningane er i dårleg stand, og Grendelaget har lyst å bygge ei ny hytte på same stad og same storleik. Hytta vil vere open for alle til bruk til det de ynskjer; overnatting, sikringsbu eller dagsturar.

Vi har søkt om pengar frå fleire for å finansiere prosjektet, men manglar endå litt for å starte med bygginga.

Ortnevik Grendelag ynskjer difor å starte ein spleis, eller sagt på ein annan måte, høyre om nokon har lyst å vere med på å få til ei ny flott hytte saman med oss og mange andre bidragsytarar. Gjevarar kan vere anonyme eller få namnet sitt innramma i hytta for dei som ynskjer det, og bidreg med 1000kr eller meir.

Pengane vi får samla inn, vil vi setje inn på ein sperra konto til hytta er ferdig. Dersom vi ikkje kjem igang med prosjektet før juni 2025, blir pengane tilbakebetalt til dei som har bidrege.

Grendelaget har avtale med Utmarkslaget om å byggje på same grunnflate, og vi vil halde hytta vedlike framover.

Vi håpar de har lyst å hjelpe oss med dette, for å setje i gong ein stor dugnad.