Då var Movember her igjen, og for sjuande året på rad lar eg barten gro – ikkje for stilen sin del, men for å rette fokus mot noko som verkeleg betyr noko: psykisk helse.

Vi har alle ei psykisk helse å ta vare på. Likevel er det framleis mykje stigma knytt til det å ha det vanskeleg. Altfor mange går åleine med tunge tankar, og altfor få snakkar om det.

I 2024 tok 739 menneske livet sitt i Noreg – 539 av dei var menn. Det utgjer 73% av tala for fjoråret. Bak kvart tal står det ein familie, vener, kollegaer – og eit liv som kunne vore redda dersom fleire våga å vere opne.

Difor ønskjer eg å bruke denne månaden til å minne om noko enkelt, men viktig:

Ring ein venn.

Send ei melding.

Spør korleis det går – og lytt.

Du anar ikkje kor mykje ei lita samtale kan bety for nokon som slit.

I år, som i fjor, går innsamlinga til Mental Helse Ungdom, som jobbar for openheit, forebygging og eit betre psykisk helsetilbod for unge over heile landet.

Alle beløp hjelper – og alle samtalar tel. 

Takk for at du bryr deg! ❤️