Takka vere 4370 individuell givarar, og eit næringsliv som verkeleg stilte opp på slutten, kom vi i mål! Innsamlingsaksjonen for å redde Bellona resulterte til slutt i 13 millionar innsamla kroner. Vi er djupt takksame for kvart einaste bidrag, og lovar å gjere oss fortent til tilliten de har vist oss.

Ein redningsaksjon kan gi nytt håp, men den kan ikkje sikre varig drift. Er du interessert i å vere med på Bellona-laget vidare også? Då håpar vi du vil vurdere å bli fast givar til det viktige miljøarbeidet vårt. Det kan du bli med på ved å gå hit: https://bellona.profundo.no/bligiver. Du kan også søke opp Bellona i Vipps, eller gi litt ekstra i Spleisen som står open ut dagen. Hugs at årlege gåver over 500 kr gir rett på skattefrådrag.

Takk for at du var med og redda Bellona – no skal vi ut og redde miljøet!

Beste helsing

Sveinung Rotevatn

Vi har no fått inn 2 744 596 kroner frå 4172 enkeltpersonar, og 1 216 000 frå bedrifter. På ei knapp veke er dette MYKJE pengar - og vi takkar kvar einaste éin av dykk som har gitt! 

Summen er altså i skrivande stund 3 960 596 kroner. Det er halvvegs til målet på 8 millionar kroner. Og det er altså dit vi må. Vi er i kontinuerlege samtalar med ulike aktørar i næringslivet som kanskje kan gi litt større summar i sluttspurten. Men vi treng også alle småsummar som til saman kan bli store. Har du rom for å gi litt meir? For å dele Spleisen på sosiale medier ein siste gong? For å fortelje ein ven eller ein kollega at no er det siste sjanse til å redde Bellona? 

Ved midnatt i kveld stenger Spleisen. I morgon skal styret gjere opp status og avgjere om det er grunnlag for å drifte vidare. Bellona har ei ærerik historie, men vi er langt frå ferdige. Redd Bellona - så vi kan redde miljøet! 

Helsing Sveinung

Sidan måndag kveld har Bellona samla inn over 3 millionar kroner frå 3600 gjevarar - inkludert pengar frå bedrifter som ikkje inngår i spleisen. Vi er utruleg takksame for all støtta vi får! Tre millionar kroner er mykje pengar på kort tid. Samstundes manglar vi framleis 5 millionar kroner, og vi treng dei innan måndag morgon. Vi arbeider intenst vidare gjennom helga for å sikre vidare drift. Dette skal vi klare, om det så blir på målstreken! 

Helsing Sveinung

Det er eit enormt engasjement rundt spleisen for å redde Bellona. På under to døgn har vi mottatt 1,3 millionar frå over 3000 givarar, og i tillegg 784.000 kroner frå næringslivet. Dette motiverer! Men det er framleis eit stykke igjen til dei 8 millionane Bellona treng før måndag for å kunne drive vidare. Spre gjerne spleisen i dine nettverk, gi meir om du har moglegheit, og hjelp oss med å sikre ei sterk og uavhengig stemme i miljøkampen også i åra framover! Takk for ditt bidrag, dette klarer vi! 

Beste helsing

Sveinung Rotevatn