Ny reportasje om saka i dagens utgåve av Aftenposten Junior er vedlagt under teksten ⚽️ 

Turen til Håkon er eit tilbakelagt kapittel, og det går mot slutten av innsamlingsaksjonen. Sluttdato for Spleis er satt til 25.10.26.  

27.10.26 har me avtale med fleire ansatte, blant andre direktør ved Barne- og ungdomsklinikken Maria Vollsæter,  ifht overlevering av innsamla beløp. Fleire mediekanalar vil truleg òg vera med på avslutninga av innsamlingsaksjonen. 

Me sit att med ei takknemlegheit som nesten ikkje er mogleg å setje ord på ❤️ Tusen takk for alt engasjementet, alle heiaropa, dei varme meldingane og den utrulege givergleda me har møtt gjennom heile innsamlingsaksjonen. Kvar einaste gåve, stor eller lita, har vore med på å gjere dette mogleg. At så mange har engasjert seg i saka, heia på oss og ønskt å bidra, rører oss verkeleg ❤️

No gler me oss enormt til å få vite meir om kva pengane skal gå til, og kva dei kan vere med på å skape for barn og unge som må tilbringe kvardagen sin på sjukehuset. Tanken på at innsamlingsaksjonen kan bidra til fleire lyspunkt, gode opplevingar, smil og glede i ein elles krevjande sjukehuskvardag, betyr meir enn ord kan beskrive. ❤️

Me starta dette med eit hårete mål på 50 000 kroner, utan å ane kor mykje engasjement og giverglede som venta oss. At me no nærmar oss målstreken med eit beløp langt over alt me hadde våga å håpe på, er rett og slett heilt utruleg!

Takk til kvar og ein av dykk som har bidrege, delt, heia og vore med på å løfte denne saka. De har vist oss kor mykje me kan få til, når mange små og store bidrag blir samla til noko større. ❤️

Saman kan me skape glede, håp og gode augeblikk for barn og ungdom som treng det aller mest. Og det er kanskje det finaste av alt. ❤️

Me er utruleg takknemlige for at så mange, inkludert media, fortset å vise interesse og engasjement for saka❤️

Her er dagens oppfølgingssak i Åsane Tidende:

https://www.aasanetidende.no/hakon-8-gikk-fra-asane-til-voss-for-sosteren-blir-rort-av-engasjementet/s/80-155-8547

Turen til Håkon frå haustferien vart vist på dagens episode av NRK Supernytt⚽️

https://tv.nrk.no/serie/supernytt/sesong/202610/episode/IBOT25101426

Fristen for spleisen er utvida, då det fortsatt kjem inn pengar, og fleire mediekanalar har meldt si interesse for saka🤩

Me er heilt overvelda og rørt over engasjementet og gjevargleda frå kjende og ukjende, i heile landet🥹Tusen tusen hjarteleg takk frå alle oss❤️ 

Gårsdagens reportasje frå Håkon sin målgang på Voss (frå ca 48 min): 

https://radio.nrk.no/serie/distriktsprogram-vestland/DKSF02010026?utm_source=nrkradio&utm_medium=delelenke-ios&utm_content=prf:DKSF02010026

https://tv.nrk.no/se?v=DKHO98100926&t=402s

https://tv.nrk.no/se?v=NNFA19100926&t=1558s

https://www.avisa-hordaland.no/her-kjem-hakon-8-i-mal-etter-100-kilometer-med-ball-heilt-fantastisk/v/80-132-65898

https://www.nrk.no/artikkel/hakon-8-trilla-fotballen-fra-bergen-til-voss-152965

Det vert truleg òg ny reportasje på NRK Vestlandsrevyen i kveld ⚽️📺

https://www.bt.no/hendelser/i/777xbV/haakon-8-har-gjennomfoert-turen-fra-aasane-til-voss-jeg-er-ikke-sliten

https://www.bygdanytt.no/nyheiter/n/4O3RLG/haakon-8-gaar-og-sparkar-fotball-for-systera-i-over-100-kilometer

I dag var det mamma som fekk æra av å overta stafettpinnen, etter besten på Hamlagrø. Og for ein dag det har vore ☀️🍂

Håkon har i dag lagt bak seg ein svært imponerande etappe på heile ca 2,2 mil. Ein ny rekordetappe for 8-åringen vår💪

Men det som verkeleg har gjort inntrykk på oss i dag, er alt engasjementet me har møtt langs vegen. Heiarop, smil,oppmuntringar, og menneske som har stoppa opp for å gi oss både søtsaker og forfriskningar. Det betyr meir enn de anar ❤️🥹

Me hadde eit stopp på Bulken stasjon for å vera med på TV2 Nyhetskompaniet📺 Det vart ein ny opplevelse for ein 8-åring å vera med på direktesendt TV. Etterpå bar det vidare, og me gjekk endå fleire kilometer mot Voss, før pappa kom oss i møte og slo opp teltet for den aller siste overnattinga på turen. ⛺

Og no… no nærmar Håkon seg målet⚽️

Me har fått utruleg mange spørsmål om målgangen i morgon. Håkon har berre 5-6 kilometer igjen, før han når målet sitt. Estimert målgang er ved Voss Idrettspark rundt klokka 13.00. ⚽️🎉🇳🇴

Og til alle dykk som har følgt, heia, delt, sendt meldingar, møtt oss langs vegen og bidrege til innsamlinga:

Det er heilt vilt å sjå kva dette har blitt. Engasjementet har vore så enormt at me i dag har måtta skru opp målbeløpet på innsamlinga fleire gonger. 🥹 Det som starta som ein idé om å gjere noko meiningsfullt saman, har blitt til noko så mykje større – takka vere dykk.

TUSEN, TUSEN TAKK! ❤️

Håkon som er på god veg frå Hamlagrø til Bulken, vert å sjå som gjest i TV2 Nyhetskompaniet ikveld i 18-tida 📺⚽️🤩

https://tv.nrk.no/serie/distriktsnyheter-vestlandsrevyen/sesong/202610/episode/DKHO98100726

Tusen tusen hjarteleg takk for rørande respons, etter dagens reportasje ved dyktige Tale Hauso på Vestlandsrevyen❤️🥹 

Med ei rask økning på 20 000 kroner, oppjusterer me målbeløpet, til eit beløp me aldri hadde våga å drøyma om🤩 

I dag har Håkon og pappa gått dei siste kilometrane ned frå fjellet. Det viste seg at dei fire kilometrane som stod igjen i går, var eit godt stykke lengre enn fire kilometer! 😅

Dagen starta med litt dalande motivasjon hjå Håkon. Etter ei natt i telt, var det ikkje akkurat freistande å ta på seg att dei våte turskoa frå dagen før. 💦 Men så snart beina kom i gang, og ballen på ny fekk trilla, steig motivasjonen💪

Og i dag stilte spreke Besten (77 år) opp og tok ein ny etappe med Håkon, då gründer-pappa måtte på jobb igjen.  Utan Besten, eller andre, som har vore villig til å ta over når det har vore behov for det, hadde det rett og slett ikkje vore mogleg å gjennomføre denne turen slik Håkon har gjort. 🙏🏻❤️

Håkon og Besten har, i tillegg til etappen saman med pappa, gått i overkant av ei mil i dag. Vêret har heldigvis vore noko betre i dag, og det har nok gjort godt etter den krevjande dagen i fjellet. No har Håkon lagt bak seg ca 88 km , og det er berre rundt 28 kilometer igjen til målgang på Voss! 

Samtidig som Håkon er ute og går, har Nora og mamma vore på sjukehuset. Det vart i dag fleire timar på Leiketerapien, med hobbyarbeid og litt anna å sysle med. Eit svært viktig og godt pusterom frå sjukdom og undersøkingar, for born og ungdom som tilbringer kvardagen sin på sjukehus❤️I morgon skal mamma og pappa bytte plass, og ferda går vidare mot dei siste kilometrane.

Og så har me i dag fått informasjon frå NRK, om at de må fylgje med på Vestlandsrevyen i kveld! 📺

No nærmar Håkon seg verkeleg siste innspurt på den lange ferda si. Frå Åsane Arena til Voss – snart er han framme! ⚽️ Og bak kvar einaste kilometer står det ein heiagjeng som heiar, støttar og stiller opp. Tusen hjarteleg takk til alle dykk som er med på denne ferda! ❤️

Åsane Fotball, fotballklubben der Håkon speler på Åsane Poseidon G8 og i tillegg deltek på Åsanes Junior Akademi, ville óg skrive om saka hans i går ⚽️🧡🖤

https://www.asanefotball.no/nyheter/hakon-8-forer-ballen-fra-asane-til-voss-og-har-sa-langt-samlet-inn-over-146.000-kroner

I dag har Håkon og pappa kryssa fjellet frå Kvitingen og lagt bak seg endå ein skikkeleg tøff etappe! 🥾⛰️⚽️ Det vert dagsrapport utan bilete i dag, då dei er utan dekning. 

Med det våte og krevjande vêret, valde dei å ta turen innom Gullhorgabu for ein liten pause, før ferda gjekk vidare. På Gullhorgabu var det heilt folketomt, men det var vel ikkje så overraskande, med tanke på vêret i fjellet🌧️

Og vått, det har det verkeleg vore! Store delar av turen har dei vassa i vatn,  som har stått over anklane. For å halde føtene nokolunde tørre har dei gått med posar i støvlane💦

Tale Hauso frå NRK vart óg med på turen, og tok følgje med dei ca 4-5 kilometer frå Kvitingen. Det var stor stas å få ha ho med på ein liten del av ferda! 📺❤️

Etter ein lang dag på beina, har Håkon og pappa no kome seg heilt til berre 4 km frå Småbrekke. 💪Og no byrjar det verkeleg å nærme seg.  Det står berre rundt 38 km igjen av heile turen frå Åsane Arena til Voss! ⚽️

Håkon tek sikte på å nå mål fredag føremiddag – akkurat éi veke etter at han starta ferda si frå Åsane Arena. ❤️

Det er nesten ikkje til å tru kor langt han har kome, og kor mykje denne turen har fått bety. Tusen takk til alle som fylgjer med, heiar, støttar og bidreg undervegs. De er ein utruleg viktig del av denne ferda! 🙏🏻❤️

No er det berre dei siste kilometrane igjen. Heilt til Voss! 🥾⚽️⛰️❤️

https://radio.nrk.no/serie/distriktsprogram-vestland/DKSF02009726?utm_source=nrkradio&utm_medium=delelenke-web&utm_content=prf:DKSF02009726

Håkon og sherpa-pappa var i dag å høyra på NRK P1 Hordaland kl 15:44❤️ Sendinga vert truleg sendt på Vestlandsrevyen i kveld. 

På grunn av rørande engasjement og gjeveglede, oppjusterer me målbeløpet på Spleis endå ei gong❤️🥹 Tusen hjarteleg takk til kvar og ein av deko❤️

https://www.aasanetidende.no/hele-fotballaget-stilte-opp-for-hakon-8-vi-vil-vise-at-vi-star-sammen/s/80-155-7119

I dag har Håkon, trass at dei melder om nedbørsrekord, lagt bak seg den lengste etappen så langt på heile ca 18,5 km og 400 høgdemeter! ☔️Han har no nådd Kvitingen 💪⛰️⚽️

Og i dag var det spreke Besten på 77 år som fekk vera turkamerat❤️ Når ein er både sherpa-pappa og grunder-pappa, må ein av og til prioritere gründerjobben😅

Det som rører oss aller mest på denne turen, er likevel engasjementet rundt Håkon og saka hans ❤️ Me er så utruleg imponerte og rørte over alle gutane og foreldre på fotballaget hans, Åsane Poseidon, som i dag har kasta seg rundt og bidrege med dør-til-dør-aksjon ⚽️. Nora sjølv har òg vore ute i nabolaget og samla inn pengar. Dei har samla inn ein imponerande sum, på Håkon sine vegne, til barne- og ungdomsklinikken! 👏🏻

Og som om ikkje det var nok. Me har i tillegg til BT og Avisa Hordaland, i dag blitt kontakta av både NRK og TV 2! Så no må de følgje godt med på TV dei komande dagane 👀📺

Det er rett og slett heilt fantastisk å sjå kor mykje eit lite initiativ kan skape, når mange dreg i lag. Tusen takk til alle som har bidrege, heia, samla inn og støtta! 🙏🏻❤️

Eventyret til Håkon frå Bergen til Voss held fram! 🥾⚽️

Planen var å gå ca 1,5 mil i dag óg.  Regnet har hølja ned, det har vore mykje trafikk, og den våte vegen har gjort det ekstra utfordrande for Håkon å føre ballen. Med ei smal stripe å gå på langs vegen, kombinert med mange bakkar,  har det vore ein skikkeleg utfordrande etappe. 🌧️⚽️ Han har òg hatt mange oppturar i dag, blant anna ein god venn som slo følge eit stykke og storesøster og mamma som leverte heimebakst og varm drikke❤️

Etter rundt 1,1 mil frå Trengereid til Samnanger, valde dei å seie seg nøgde for i dag og ta kveld. Sjølv om etappen vart litt kortare enn planlagt, er innsatsen minst like stor og Håkon viser eit enormt pågangsmot. Han er trass det dårlege været, framleis fast bestemt på å nå målet sitt💪

Tusen takk til alle som heiar, støttar og bidreg på vegen❤️

Då er andre etappe unnagjort, rett i underkant av 3,5 mil tilbakelagt og 1/3 av totaldistansen til Voss nådd på under 2 døgn💪Håkon og sherpa-pappa beskriv ein dag på tur med svært vekslande vær. Dei har no nådd Trengereid, og tar sikte på å komme seg forbi Samnanger i morgon⚽️

Familien er overvelda og svært takknemlige av all positiv respons, engasjement, heiarop og støtte❤️ Målet på å samla inn 100 000 kroner ser ikkje ut til å vera nok, og me oppjusterer no målbeløpet endå ei gong🤩

Avisa Hordaland ville òg dekke saka til Håkon🤩 Me er så overvelda og takknemlige for all interesse og engasjement for saka , oppmuntring, heiarop og støtte❤️🥹 

Håkon og pappa måtte venta til styrtregnet hadde gitt seg, etter ei natt i telt ved Øyrane Torg i Arna, og er no på veg på neste etappe⚽️💪

https://www.avisa-hordaland.no/hakon-8-skal-ga-med-fotballen-over-100-kilometer-til-voss-eg-trur-det-blir-kjekt/s/80-132-61821

https://www.bt.no/hendelser/i/2V1EOR/haakon-8-skal-gaa-til-voss-i-hoestferien?utm_source=navigator-share&utm_campaign=topp

Håkon og pappa har no snørt på seg skoa og lagt i veg. ❤️ Ein stor dag og eit viktig steg på vegen mot målet.

Allereie før dei byrja å gå, hadde det kome inn så mykje støtte, at halvparten av det opphavlege målbeløpet var samla inn. Det er heilt utruleg! Me er så takksame for alle som har bidrege, delt og heia på dei. ❤️

På bakgrunn av den fantastiske responsen, har me derfor valt å skru opp målbeløpet. No håpar me at endå fleire vil bli med vidare, slik at vi saman kan kome endå nærare målet.

Turen vert og følgd av Bergens Tidende, som fortel om reisa og det fantastiske engasjementet rundt saka.

Tusen takk til alle som allereie har bidrege, delt og heia. Det betyr meir enn de anar! ❤️