I saka om mogleg sal*) av straumnettet til Kvinnherad Energi, har det seint i prosessen kome fokus på vedtektene i selskapet. Dei er openbart laga for å krevja 2/3 fleirtal i kommunestyret for sal eller store endringar. Ein ting er spørsmålet om dei gitte planane for å selja*) nettet blir faktisk hindra av vedtektene. Men administrasjonen har kjøpt inn ei vurdering frå Schjødt AS der dei legg inn ei spesiell tolking av vedtektene, og dermed seier at dei er i strid med aksjelova. Slik avfeiar dei at desse vedtektene har nokon som helst relevans for saka.

Advokatane i Schjødt er veldig høgt ansett. Men andre juristar er ueinige. Advokatfirmaet HLT tok på seg å skriva ein alternativ uttale. Ordføraren har avvist at kommunen vil betala for denne. Difor vil dei raudgrøne opposisjonspartia (Sp, SV, R) samla inn pengar for å betala for oppdraget. Kvinnherad Sp er den formelle bestillaren - difor går dei innsamla pengane til Kvinnherad Sp. 

Uttalen er no gjort tilgjengeleg. Den ligg saman med andre dokument her: http://bit.ly/keas-dokument - men vi treng framleis betala rekninga som kjem! Så gje pengar!

Dersom dei innsamla midlane blir meir enn det uttalen frå HLT kostar, vil det overskytande bli brukt til å betala for ei vanleg opinionsundersøking i Kvinnherad om kva folk meiner om framtida for Kvinnherad Energi. Dersom det framleis er meir pengar til overs, eller opinionsundersøking ikkje let seg gjera, så vil pengane bli brukt til ei markering for dei tilsette i Kvinnherad Energi.

*) For å vera heilt presis: utfisjonera og "fusjonera" inn i BKK eller Haugaland kraft, mot oppgjer i aksjar.