Ungdommeleg seterdrift i Sunndalsfjella også i 2020

Seterdrifta vår blir som alt anna berørt av koronaviruset. Vi er innstilte på å få til seterdrift i sommar, men ei viktig tilpasning som no blir planlagt, er å byggje om det gamle steinfjøset vårt til sals- og serveringslokale, for å unngå trengselen som lett oppstår i gangen og eldhuset i innhuset. 

Det er planlagt å innreie eldhusdelen av steinfjøset slik at den kan bli godkjent av Mattilsynet til produksjon, sal og servering av produkt. Dette medfører ei grundig renovering av dette rommet slik at golv, veggar og benkar får vaskbare overflater. I tillegg er det naudsynt å gjera tiltak for å hindre snø og vatn å komma inn og øydeleggje inventaret. Dette inneber nytt golv, ny innreiing (kjøkkenbenk, skåp og skuffer), kledning av vegger og brannsikring av ostegryta (nye røykrør og brannvegg). 

Vi har trua på at vi skal klare å gjennomføre dette i praksis den komande månaden, men den største utfordringa er finansiering. Det er ikkje mykje pengar i omløp i seterdrifta vår, og alle bidrag vil vera svært kjærkomne. 

Hjelp oss over denne kneika – det vil bety utruleg mykje for setra. Dette er tiltak som vil kunne styrke seterdrifta også i år som kjem.