Lys på Rotarystien -Hareid Rotary Klubb
Vi er med å kjempe om årets DRIVKRAFT-midlar frå SpareBank 1 Søre Sunnmøre. Ditt bidrag betyr mykje for oss og arbeidet på stien!
LYS PÅ ROTARYSTIEN
Fra artikkel i Vikebladet:
Vandrarane langs Rotarystien på Hareid har lenge vore eit folk som har ferdast i mørket. Det ønskjer dugnadsgruppa i Hareid Rotaryklubb å få gjort noko med.
No inviterer dei til innsamlingsdugnad for skaffe midlar til å setje opp lys langs den populære turstien.
– Det er mange som har gitt oss tilbakemeldingar på at dei tykkjer det ikkje er så veldig triveleg å gå langs stien etter at det har blitt mørkt. Ein del av dei som brukar stien, særleg blant dei yngre, brukar hovudlykt, men det er langt frå alle. For å skaffe lys langs stien ber vi difor næringslivet og for den del private også, om å vere med på ein spleisedugnad, seier Sverre Jarl Ulstein i Hareid Rotaryklubb.
Det klubben ser for seg er å få sett opp lys langs to strekningar. Den eine strekninga, frå gamle Hareidsbrua og framover mot Melshornbrua, er det enkel tilgang til elektrisitet og såleis ingen vanskar å få lys i stolpane.
Solenergi
– Når det gjeld den andre strekninga, frå Melshornbrua og framover mot utløpet av Grimstadvatnet, vil vi satse på lyktestolpar som vert drivne av solenergi, forklarer Ulstein. Solcellepanel på stolpane fangar opp energi vart lagra i batteri. Han fortel at dei har gjennomført analysar som tilseier at lystilhøva langs denne delen av Roatyrstien vil kunne gi solenergi tilsvarande rundt fem timar med lys. Samstundes vil stolpane verte utstyrte med rørslesensorar slik at lysa berre slår seg på når nokon går langs stien.
– Turgåarane vil vandre i ei bølgje av lys, skildrar han.Stem fram ditt favoritt-tiltak!
SpareBank 1 Søre Sunnmøre delar årleg ut DRIVKRAFT-midlar til lag og organisasjonar, der alle som har eit konkret prosjekt på Søre Sunnmøre kan søke. I år skal det delast ut inntil éin million kroner. I tillegg blir det trekt ut ein vinnar i veka på 10 000 kr i perioden 1-28 februar. Hjelp ditt favoritt-tiltak med å vinne ved å stemme på oss.