Fonnabakken skitau på Ulvestad har vore eit kjærkome tilbod for alle i Dalsfjorden i over 20 år. Her har dei yngste (og dei noko eldre) fått øve seg i skibakken i litt mindre og roligare former før dei tek turen til større og meir etablerte skitrekk. Kvart år med brukbare snøforhold har me vore ope fleire dagar i veka slik at alle som ynskjer har fått eit trivelig, kortreist og ikkje minst rimelig tilbod.

Men etter mange års bruk står me no ovanfor ei naudsyn oppgradering for å sikre tilbodet for dei neste åra. I 2020 hadde me to kraftige lynneslag som gjorde mykje og dyre skader på det elektriske anlegget samt at me ser at det er behov for meir og betre lys i bakken for å kunne kjøre sikrare på kveldstid. I tillegg er wire på skitauet byrja å verte nokre år no so er på tide med ei oppgradering ogso her.

Vestsida IL som står som eigar av anlegget har ein ganske so stor aktivitet i høve til storleiken på laget. Dette for å legge til rette for ein aktiv kvardag for gamle og unge. Håper at so mange som mogeleg kan hjelpe oss med å halde oppe dei tilboda som er på plass pr i dag og at det ikkje er økonomi som skal sette ein stoppar for det arbeidet som vert lagt ned av dei mange frivillige kreftene.

På førehand takk for alle bidrag.