Hei, kjære naboar og andre støttespelarar!

I enden av Olavsgata (nedanfor Fonna)  ligg der ein gjengrodd leikeplass/tidlegare fotballbane som nokre i løpet av dei siste åra har prøvd å gjere om til ein koseleg stad å vere for både store og små. No har vi fått med oss fleire på laget, og er i ein prosess der vi skal få utnytte dette potensialet. 

Vi ynskjer å blåse liv i nabolaget og skape ein etterlengta samlingsstad for alle i nærmiljøet vårt, etter over to år med koronarestriksjonar og lite sosial omgong.  

Vi ser føre oss at dette kan bli ein samlingsstad der ein kan treffast på tvers av generasjonar. Der er enkel tilkomst, slik at både barnevogner, rullestolar og rullatorar vil ha lett tilgong. 

Ein gapahuk vil gjere dette område meir brukarvenleg gjennom heile året. Instansar som Frisklivssentralen og Røde Kors-omsorg kan nytte område til "sterk og stødig", som er eit tilbod for seniorar. Vikemarka skule og Kvitveisen og Krokedalen barnehagar kan nytte gapahuken som turmål. Vi har óg tenkt på om Lurivar kunne hatt ei bok-kasse der, for born i ulike aldrar og at Småjobbsentralen kunne plassert ein "skravlebenk" på plassen. 

Vi vil skape eit bærekraftig friluftsområde, og ynskjer difor å nytte haldbart materiale, som skal vare lenge. Vi ynskjer også å støtte lokalt næringsliv og Ørsta vidaregåande skule og er i dialog med dei i samband med prosessen.  

I DENNE SPLEISEN YNSKJER VI BIDRAG TIL GAPAHUK OG RASTEBENKAR, OG ER TAKKSAME FOR ALLE BIDRAG VI FÅR, STORE SOM SMÅ! 

Bli gjerne med i denne facebookgruppa for å følgje prosessen: