Ei siste Spleis-oppdatering 🌼 

No er det berre 4 små dagar igjen av spleisen, så vi vil takke for alle bidrag vi har fått. Vi er utruleg takknemlige. Det blir ekstra kjekt å kunne halde fram med vidare planar, når så mange har bidratt til at vi kan realisere dei i lag. 

Det er lett å sjå at plassen var etterlengta. Store og små er innom dagleg og naboar møtast på tvers av generasjonar akkurat slik vi såg for oss. Folk har vore flinke til å rydde etter seg og "passe på" plassen, og det er kjempekjekt at fleire og fleire engasjerer seg og kjem med forslag og bidrag. Det er mange som står bak arbeidet som er gjort til no. 

Medan vi ventar på svar på søknaden og politisk høring etter naboklagen, kan vi heldigvis bruke plassen og vedlikehaldet som vart gjort fram til prosessen vart satt på vent.

Litt av det som var gjort:

Rydda skog, klipt gras, laga gjerde av kvist frå plassen,  fjerna ødelagt sandkasse og erstatta med ei ny, måla det gamle reiestativet, fått på plass eit par benkar og måla dei, hengt opp hengekøyer og eit slengtau. I tillegg var vi heldige og fekk utebiblioteket frå Aasentunet. 

No håper vi at saka vår blir behandla kjapt, slik at vi kan starte på alle dei kjekke planane vi har vidare.

Tusen takk til alle 🌸

Tusen takk for støtta så langt! Så kjekt at så mange vil vere med på dette! Når mange engasjerar seg, når vi målet raskare 🙌🏻 

No har vi fått ein Skravlebenk på plassen, der ein kan slå av ein prat med kjente og ukjente! Takk til småjobbsentralen! 

Vi har og fått sjølvaste Lurivar sitt utebibliotek "barneboktua" på plassen! Takk til Aasentunet! 

Vi held framleis på å rydde, og sidan alt foregår ved dugnader, så tek det naturligvis litt tid, men vi har mange kjekke planar som kjem etterkvart. Vi håper å få rydda eit parti oppover mot fonnvollen, slik at ein kan bruke den til akebakke vinterstid. Vi ynskjer også å gjere skogen meir til ein del av plassen, og gjere det mogleg å gå i skogen. 

Vi skal bygge ei litt større sandkasse, då den som står der i dag er sliten. Vi har fått sand frå Unicon - Tusen takk! 

Vi har og fått mange store dekk frå Vatne Dekkservice, desse skal vi bruke til å lage hinderløype. Vi skal male og freshe opp både benkar, reiestativet og dekka. Malia, Jernia og Fargerike har sponsa oss med maling, tusen takk!! 

Ellers har vi no fått bestilt 3 rastebenkar og 2 hagebenkar, som vi håper kjem til jonsok!

Tusen takk for alle bidrag hittil! 

I tillegg til gapahuk og benkar, har vi også eit håp om å få lage til forskjellig andre kjekke ting her. Bålgruve, zipline, nokre slengtau og fotballmål for å nemne noko. Denne spleisen vil vere med å finansiere gapahuk og benkar, og så har vi søkt midlar rundt om i lokalsamfunnet. Grendelaget bidrar også. 

Det har vore fleire dugnadar allereie. No er gjerdet rundt området tatt vekk, og det er rydda vekk kvistar og busker, slik at skogen også kan nyttast i større grad enn tidligare. 

Vi har tru på at dette blir ein fin stad der vi kan møtes og ha det kjekt i lag.